樓下冰室 (已結業)

今日原先諗住去惠康買啲嘢就會馬上離開，點知畀我搵到個咪錶，所以喺超級市場買完嘢，就順便喺附近搵間餐廳嘆個下午茶。沿住停車場直路行出去，搵到呢間裝修比較新淨及光猛的茶餐廳， 我同老公直接入去坐低叫下午茶食， 下午茶選擇算多， 因為唔係太肚餓， 我點咗奶油豬仔包及凍檸茶， 奶油豬的賣相跟其他 茶餐廳有點不同， 麵包算焗得香脆，但略嫌煉奶落得太多， 令到成件奶油豬好甜 ， 凍檸茶味道正常。 老公就叫咗一份西多士配熱奶茶， 老公食咗覺得味道同一般茶餐廳水平差唔多， 冇咩特別。