金記冰室 (康怡廣場北座) (已結業)

小妹自細都鍾意食茶餐廳，鍾意佢夠晒貼地😁夠港味今日帶小朋友去太古上興趣班，同老公有1.5小時free time，就黎幫襯下太古分店嘅金記冰室！今日係平日，一到2:00下午茶時間， 已經要等位，生意真係幾好😄沙嗲牛肉公仔麵配 炒蛋 牛油多士～沙嗲牛肉一直都係老公嘅至愛，基本上佢去茶餐廳都必叫，呢度牛肉做得夠滑，沙嗲汁香濃，仲食到粒粒花生碎添👍炒蛋食到牛油香，多士亦焗得夠脆，睇得出係心機之作👍炸魚柳配鮮果沙律～魚柳上枱嘅時候，我已經心心眼😍，個size簡直有兩隻手掌咁大，非常吸睛！證明店家毫不吝嗇👍！而且炸得夠均勻，外脆內軟，非常好食😋呢度嘅蛋撻有酥皮同埋曲奇皮選擇，我揀嘅酥皮充滿牛油香👍推介👍