Pancake 專門紗織 (已結業)

咁岩今日出咗銅鑼灣行街 諗唔到下晝食咩下午茶好 行過百德新街見到呢間主打日式pancake嘅餐廳 試吓無妨😍呢度嘅環境好乾淨 枱面全部用咗日式嘅和紙 同精緻嘅餐具 好有日式feel呀！因為都比較肚餓嘅關係 所以我哋食得豐富左啲🙈全日早餐 裏面有韓國大肉腸，薯餅，溫泉蛋，茄汁豆，烤芝士大菇，薄餅，沙律菜成個套餐非常之豐富 而且好新鮮 Pancake嘅外層微脆 而且口感鬆軟 最有驚喜係個焗菇 好軟熟之餘有汁 唔會好乾！日式叉燒呢個有驚喜！日式叉燒飯會配埋沙律同餐湯 餐湯係粟米湯 同充滿芝麻醬嘅沙律 佢哋嘅叉燒又大又厚身 肥瘦均勻 咬落去啖啖肉 加埋啲燒汁送飯真係一流！