阿甘蝦餐廳

营业中

休息中

十幾年都冇上過山頂，難得放假約左朋友上去行吓。知道香港得山頂有Bubba Gump shrimp好耐, 所以一場黎到就幫襯吓。主打食蝦就梗係叫有蝦嘅dish 啦，叫左份美式秘製豬仔骨配燒蝦串to share,份量都算大，兩個女仔食啱啱好。豬仔骨算肉多夠入味，個BBQ 醬又唔會太咸。薯條正常，起碼熱同脆。但個蝦就比較失色，薄切切唔彈牙，亦唔太新鮮。飲品方面，啤酒都係大路野，cocktail 偏甜。但吸引之處係喺餐牌有打⭐嘅飲品會送隻同款酒杯俾你。放心，送嗰隻係全新嘅🤣 以一般美式餐廳黎講食物不過不失，但如果以食蝦做主打，d蝦就真係好麻麻。不過佢落order嗰兩塊牌都幾過癮，同埋送杯都幾有誠意，都值得試一次嘅。