影片
更多
2023-01-01
496 浏览
冬天就係想食熱焫焫既菜式，但打邊爐食得多都會悶，所以朋友就提議食燒肉，仲指名食銅鑼灣呢間，話佢出名食飛驒牛，咁好似係香港又無食過，咁就去試吓～ 飛驒牛係和牛的一種，肉質呈淡粉紅，油花豐富，味道甜美豐富。係銅鑼灣地鐵站一出行5分鐘就到，地理位置非常方便，呢度出名食飛驒牛，咁我地當然要試吓啦，研究咗要一輪後我地決定要個set 再另加一啲前菜：🥢碎飛驒牛他他（$100）將飛驒牛切碎，加入蘋果令牛肉他他增加清甜，提升牛肉味，及爽口感，而鵪鶉蛋則令令他他他更滑。🥢海膽飛驒牛軍艦（$120/件）飛驒牛軍艦，加入海膽及三文魚籽，口感好有層次，而且鮮甜。第一次係香港食生牛肉壽司，入口沒有生肉的味道，而且牛脂豐腴，味道清甜。🥢A5飛驒牛西冷套餐（$788）其實個餐食食吓都好夠飽🤣🤣🔸什菜沙律 - 沙律好fresh, 加上柚子汁，酸酸地好開胃🔸牡蠣牛肉豆腐湯， 日本豆腐好滑之餘亦好香豆味，加埋蠔仔同牛肉，好清甜，而且有少少辣味，令個湯更惹味。🔸去到主角烤肉，有西冷飛驒牛、汁燒豬肩肉、及日本產雞腿肉- 飛驒牛的肉味比一般和牛更濃郁，肉質細緻，再加上是西冷的位置，肉質鮮嫩，霜降紋路均勻，而且師傅已經將成塊西冷
飛驒牛係和牛的一種，肉質呈淡粉紅，油花豐富，味道甜美豐富。
係銅鑼灣地鐵站一出行5分鐘就到，地理位置非常方便，呢度出名食飛驒牛，咁我地當然要試吓啦，研究咗要一輪後我地決定要個set 再另加一啲前菜：
🥢碎飛驒牛他他（$100）
將飛驒牛切碎，加入蘋果令牛肉他他增加清甜，提升牛肉味，及爽口感，而鵪鶉蛋則令令他他他更滑。
🥢海膽飛驒牛軍艦（$120/件）
飛驒牛軍艦，加入海膽及三文魚籽，口感好有層次，而且鮮甜。第一次係香港食生牛肉壽司，入口沒有生肉的味道，而且牛脂豐腴，味道清甜。
🥢A5飛驒牛西冷套餐（$788）
其實個餐食食吓都好夠飽🤣🤣
🔸什菜沙律 - 沙律好fresh, 加上柚子汁，酸酸地好開胃
🔸牡蠣牛肉豆腐湯， 日本豆腐好滑之餘亦好香豆味，加埋蠔仔同牛肉，好清甜，而且有少少辣味，令個湯更惹味。
🔸去到主角烤肉，有西冷飛驒牛、汁燒豬肩肉、及日本產雞腿肉
- 飛驒牛的肉味比一般和牛更濃郁，肉質細緻，再加上是西冷的位置，肉質鮮嫩，霜降紋路均勻，而且師傅已經將成塊西冷切細，方便客人自己燒時更易掌握，簡單燒一陣就已經食得，油脂豐盛，入口嫩滑細膩。
- 豬肩肉已調味，食落好入味同滑，燒時都唔需要好多時間；而雞腿肉細緻嫩滑。
🔸海鮮石鍋
驚唔夠飽？完全唔會，因為套餐仲有主食比你揀，我地揀咗海鮮石鍋飯，上枱時熱焫焫，呢個同一般韓式石鍋飯唔同，有少少似燴飯咁，店員係石鍋上再倒入湯羹，然後撈勻，稍等一陣啲飯就吸收啲湯汁，燴飯好鮮味，而且好多蟹肉。
🔸雪糕： 抹茶及芒果雪糕，食完燒肉食雪糕是非常完美🫶🏻
🥃自家制梅酒，我地好喜歡飲梅酒，特別是自家制的一定會試，因為每間餐廳都好唔同，呢家梅酒梅味較重，酒味相對淡，帶有梅子特有的酸味，飲落好清爽，配燒肉好夾❤️
张贴
