中間界餐廳 (已結業)

前個月同yan去食飯,好掛住喱到既心太軟,於是又來食了~!叫左兩個晚市套餐,必加$26換朱古力心太軟呀~!蒜蓉包~唔錯~!羅宋湯~辣辣地,幾好味~!紅酒燴牛尾~上次食喱個feel好好味,so喱次再食,依然係幾好食,牛尾夠林又入味,酸酸甜甜幾開胃,喱次都係配意粉呀~!豬排,好大塊,味道唔算係特別好食,不過都唔錯呀~!田螺焗薯蓉~喱個比較一般,螺太細粒同冇乜味道~!菠菜芝士汁焗日本廣島生蠔~!都幾大粒蠔呀,同幾肥美,芝士味唔算好濃,不過食落都好香口,幾正呀~!朱古力心太軟~必食呀喱個,好吸引~!一樣都係咁好食,keep到個水準,食過唔少心太軟,喱間都算係好食之一呀~!滿足既一餐,因為都幾遠之下so好間中先會來食,不過間中食先覺得正呀~!