Nun Desserts Cafe (已結業)

韓式甜品店開完一間又一間，去完街市買餸，順便過黎新開嘅nun試下先。我地一家人仲帶埋bb黎食，雖然啲位係迫啲，但店員都主動比張近門口較濶嘅枱，都叫坐得幾好咁，至少唔使背對背。幻彩macaron韓國牛奶軟雪糕 $52嘩，巧靚靚，色彩班爛非常吸睛，雪糕香甜軟滑，奶味甚濃，baby size馬卡濃可愛又香甜，巧巧味啊。韓式紅豆麻糬年糕雪糕吐司 $48相貌平平但食落極具驚喜，吐司咬落煙煙韌韌甜而不膩，好食，但一定要襯熱食，凍左會硬哂口感變差。韓式醉人特級3球雪糕窩夫 $72窩夫好大塊又厚身，呢個超級飽肚！窩夫牛油味濃，鬆脆好味，加埋滆左嘅雪糕一齊食甜度剛好，正！魔鬼oreo碎碎雪奶 $68好多oreo好好味啊，不過雪奶不夠奶味略淡，旁邊有附上嘅鍊奶自行調味吧，再加埋曲奇雪糕就啱啱好。藍紅寶石鮮雜莓雪奶 $68紅莓醬藍莓醬再配上紅莓果肉同藍莓粒，甜甜酸酸的，雪糕係雜莓味，同樣甜甜酸酸，整體味道幾均勻，唔錯呀。宇治金時紅豆雪奶 $68嘩，好濃綠茶味，正！綠茶雪糕同樣勁濃味，喜歡綠茶制品嘅朋友一定要試嘅款，帶少少苦澀嘅綠茶配超甜紅豆，我覺得好夾好好味啊！呢度啲甜品份量頗大，六十幾蚊個人幾抵食吖。