影片
更多
2019-07-13
665 浏览
約咗好耐嘅下午茶聚終於成行，其中一人提議去洲際high tea 我都好想試。我同另一位係一點半前到達，由於一點半先有得入座，我哋就喺外面等咗一陣間。時間到嘅時候，我哋就去揀位啦。當日天氣非常好，風和日麗，藍天白雲 。我哋揀咗一個比較近落地玻璃嘅位置， 可以好好咁樣享受到良辰美景。 由於近窗邊採光非常充足， 有可能會曬到座位，但 也可以請侍應幫忙落下窗簾。人齊後我哋就點咗四人份量嘅tea set，亦都揀選咗飲品。 因為今次我哋係一個吹水嘅下午茶聚，我就特別揀咗飲Exotiquie茶， 因為佢係用茶壺上嘅，飲完一壺之後 ，侍應會主動幫你加水 ，非常貼心。味道方面，一入口就有淡淡的紅茶加上點點果味，配搭甜點好清新，值得推薦。最期待嘅tea set終於嚟到眼前! 一嚟到大家就心心眼! 又係相機食先嘅環節， 因為佢嘅做造型好靚， 好精緻 ，令人哋唔捨得食。每人會有四款鹹點、 五款甜點， 加上兩個鬆餅和配搭嘅醬料。鬆餅有兩款，一款係原味，另一款係加咗提子。 鬆餅係熱辣辣嘅 ，所以我急不及待先試咗一個， 配襯嘅有兩款果醬同埋一份cream butter。 同cream butter比較， 果醬就相對
我同另一位係一點半前到達，由於一點半先有得入座，我哋就喺外面等咗一陣間。時間到嘅時候，我哋就去揀位啦。當日天氣非常好，風和日麗，藍天白雲 。我哋揀咗一個比較近落地玻璃嘅位置， 可以好好咁樣享受到良辰美景。 由於近窗邊採光非常充足， 有可能會曬到座位，但 也可以請侍應幫忙落下窗簾。
人齊後我哋就點咗四人份量嘅tea set，
亦都揀選咗飲品。 因為今次我哋係一個吹水嘅下午茶聚，我就特別揀咗飲Exotiquie茶， 因為佢係用茶壺上嘅，飲完一壺之後 ，侍應會主動幫你加水 ，非常貼心。味道方面，一入口就有淡淡的紅茶加上點點果味，配搭甜點好清新，值得推薦。
最期待嘅tea set終於嚟到眼前! 一嚟到大家就心心眼! 又係相機食先嘅環節， 因為佢嘅做造型好靚， 好精緻 ，令人哋唔捨得食。
每人會有四款鹹點、 五款甜點， 加上兩個鬆餅和配搭嘅醬料。
鬆餅有兩款，一款係原味，另一款係加咗提子。 鬆餅係熱辣辣嘅 ，所以我急不及待先試咗一個， 配襯嘅有兩款果醬同埋一份cream butter。 同cream butter比較， 果醬就相對一般 ，而 cream butter真係好滑好香 ，我每一啖都塗上好多，滿足我嘅味覺享受。
咸點嘅樣貌不輸於甜點 ，用料都係講究嘅 。最滿意嘅係橢圓形嘅蟹肉餅， 意外地食到蟹肉嘅鮮味。
睇得出每一件甜點都係精心製作， 粉紅色更令人少女心爆發。 就咁睇個外表其實未必值估到係咩味道， 但係咁樣先至係一個真正嘅驚喜， 我每食一嚿都有個期待😍。
我哋一路傾 ，一路飲茶， 不知不覺傾到接近黃昏嘅時間 。面對良辰美景就算冇飲酒，都不自覺地醉了。
张贴
