樓下火鍋飯店

营业中

休息中

最近秋意漸濃，最岩就去打邊爐，於是今晚約左朋友來到這間開左半年左右的火鍋店食晚飯。餐廳的門口已經好有舊時代的風味，還原7、80年代的老香港，何如餐廳的水吧係用大牌檔形式，明顯設計係放左極多心思。而食物質素都係非常好，餐廳有大量食物都係廚房手製，例如我地叫的紫菜炸響鈴，係廚房自己包，客人落order先即炸，所以口感比出面的脆同鬆化。另外，牛肉牛筋丸都係手打的，個人認為係全晚最好食，面係牛肉，入面有牛筋同牛肉汁，食落啖啖肉之餘，肉汁仲留係口入面，齒頰留香。另外其他肉類都非常新鮮，例如羊肉係完全冇騷味，而鳥冬亦都好彈牙，而且侍應的服務態度非常好，成日留意到我地有咩需要就主動幫手。