廚十三老壇酸菜魚 (太子集團中心) (已結業)

講起食正宗川菜一定會食到佢地多款嘅招牌菜式，不過首選人氣美食就梗係非佢莫屬，講緊就係酸菜魚，咪睇好似好普通其實要做一輪功夫先會煮出咁好味道，是日約埋好友齊齊去品嚐一餐川菜美食，去左北京道呢個專食酸菜魚川菜餐廳開飯係餐牌上除了有招牌酸菜魚外，仲有一系列特色小吃、涼菜、蔬菜同甜提供，當然要食去嘅人氣美食酸菜魚，要左小份再點埋其他配菜，唔少得佢地自家製酸菜咁食先至原汁原味，而且仲係開張冇耐所以每人都會贈送飲品確係唔錯服務，我就點了酸梅湯係未食之前點了涼菜夫妻肺片食住先，分別有牛肚同牛𦟌吸了辣油香味，食落特別爽滑味濃厚確係一個惹味地道小食，接住有酸菜魚出場賣相吸引份量足魚係用鱸魚烹調，魚肉肉質鮮嫩脆爽，啖啖肉咁食落特別滋味，再飲啖鮮味十足魚湯一邊食夠晒滿足當然要食埋自家製酸菜，入口酸甜又開胃，連同其他配菜一邊食住風味十足品嚐完一輪美味酸菜魚又想解辣就要食埋甜品紅糖冰粉保證食完即刻降溫當你食過之後就會愛上呢種地道風味菜式。