泰源獅城風味 (已結業)

炎炎夏日真係冇咩胃口食嘢～經過這間「泰源獅城風味」被星加坡肉骨茶所吸引😍裝修別緻，卡座舒適闊落套餐A-吉祥四寶肉骨茶都可以自由配搭，可選大排骨、小排骨、豬膶、豬肚等唔同嘅組合。仲可以免費添飲肉骨茶。湯底好重胡椒味，並蓋過蒜頭味，豬肚夠腍，反而豬潤豬腰over 咗少少。有兩支大大件嘅排骨，也不會太乾太柴，有肉香。美淥恐龍手機落單order咗少甜少冰，結果係偏淡咗少少。未算有太大驚喜。叻沙海鮮湯麵午餐湯碗好似面盆咁大，十分誇張，叻沙湯底濃郁微辣，配油麵風味十足。海鮮有蝦仁、青口，蟹柳，蜆肉，魷魚等等。話梅檸檬茶餐廳內所有飲品糖水都係另上。用了新鮮檸檬，效果唔錯，淸新有茶味。麻辣干鍋套餐估唔到新加坡食店，仲有四川麻辣干鍋。自選五款配料加米飯、米線或公仔麵。揀咗牛肉，牛柏葉，椰菜，魷魚，豬大腸，有鑊氣爆炒得好香，味道有啲似雞煲醬，亦可自選辣度。配料吸滿乾鍋醬嘅味道，鮮魷大件柔軟，仲有魷魚鬚～最後我哋叫咗牛油咖映多士，咖映味道香甜，與牛油融為一體，滋味大滿足。😋