東歐餐廳 (已搬遷) 新店位置

同家人慶祝生日，選了呢間比較特別既東歐餐廳。走進餐廳，由窗簾、枱櫈以至餐具，富有濃烈既東歐色彩，令我地好似去咗東歐一樣。侍應係一家人，後生嗰D係店主的仔女，外國人面孔，竟然識講廣東話，好有親切感。食物選擇也很特別。俄國雜錦沙律唔係一碟上，而係好似用一個碗倒模出來似的，味道清新怡人。芝士多士既面頭有D燶燶地，十分可口。羊肉中一D都唔羶，但太大舊，一啖咬落去感覺太多肉，如做到印尼羊肉沙嗲咁細細串，應該會燒得更野味，更易入口。鴨肉盅既鴨肉太硬，老人家咬唔到，唔得。今日既亮點竟然係豬手，外皮看起來好似好肥，但其實內裏既豬肉非常嫩滑，又好juicy，我地食唔晒件豬手，仲打包返屋企，第二晚蒸熱送飯都好好味，真係要俾個「讚」呢件豬手呢！