老川皇

营业中

休息中

見到呢間川菜館咁多好評，鍾意食川菜嘅我就梗係搵朋友一齊試下喇，果然味道真係非常唔錯。我地係大概6點左右去到，當時人流都唔多，唔洗等位就有得入。但到我地走嘅時候就見到出面大排長龍，果然係好受歡迎。我地點左個酸菜魚，食落酸酸咪咪咁非常開胃。環魚片並唔多骨，非常滑嫩，而且分量好多，足夠2至3個人share,非常抵食。抄娃娃菜亦非常有鍋氣，食落有少少辣咁，風味十足，最岩送飯。呢度亦有多款串燒可以選擇，我地就揀左燒茄子同燒蠔。呢度嘅燒茄子非常好食，同之前係大陸食過嘅有得fight。茄子上佈滿左蒜粒，食落非常香口。燒蠔亦相當唔錯，同樣係加左好多蒜泥係上面，增加左蠔嘅風味。蠔都算大隻，冇沙，幾好食。