馬六

营业中

休息中

呢日同朋友去香港大學站附近睇租盤，睇完一輪都攰啦，就行去附近睇吓有咩食，好多都係冰室或者只能揀商場餐廳，好彩俾我見到間食星馬菜嘅餐廳「馬六」。門口有晒餐牌，都幾啱食，望入去都坐得幾舒服。電子落單幾方便。原來煮食及小食都可以配嘢飲，最平$6就有。《 J13 正宗巴生肉骨茶配 $78 》 選配：油飯有我中意嘅馬來西亞嘅肉骨茶，味道香濃，又多肉排，亦都好大碗。可以選配白飯油飯或者米粉 ，兩個人都夠食。加配《 P05 熱柑仔話梅水 +$6 》《 A11 街頭雞肉串燒三串 $42 》 雞肉串唔乾，佢個馬拉辣醬望落好辣，但其實唔辣得來又幾惹味。加配 《 P06 熱香茅橙茶 +$6 》呢個味道比較淡，都係金橘好味啲。《 A14 馬拉盞通菜 $36 》份量都幾多，所以都抵食，同埋炒得幾香濃惹味。呢度啲下午茶都幾抵食，有機會會再嚟試下。