影片
更多
2019-07-13
47 浏览
喺阿信屋買完野，發現樓上都有啲食肆，我地就揀左3樓嘅日本野食個omakase 啦。第一次飲櫻花茶，味道好特別！好清香但又唔會苦。超迷你蘋果酒，好解渴，而且有微微酒香。前菜係煙燻溏心蛋同鴨胸，好香煙熏味，而且蛋嘅生熟程度控制得好好，yummy.刺身好特別，唔係平時食omakase 咁切片上，廚師醬啲魚生收埋咗係牛油果入邊，面頭係牛油果醬，有淡淡的Wasabi味，入面係切粒魚生，有三文魚，油甘魚同鱆目魚，呢個配搭好清新，但略嫌魚生有少許魚鱗。呢個牛骨湯嘅煮法似係一場表演，滾左之後啲湯會向上升，熄左火之後啲湯又會落返黎，連埋和牛、水菜、蓮藕一齊食，味道濃郁！呢個黑松露南瓜饅頭熱辣辣，醬汁惹味，同柔軟嘅南瓜一齊食好夾。石鍋清酒銀鱈魚點酸汁食好鮮味，唔腥。呢個天婦羅有幾種味，分別係黑松露、腐皮、米通、原味蝦，好有創意。報紙雞好搞笑，啲報紙其實係米紙，雞肉都幾嫩滑，唔錯！食到呢度有個柚子冰沙清一清個口，預備食跟住落嚟嘅壽司。以下食嘅幾款壽司款式好新穎。首先有豆腐扮紙咁包住牡丹蝦同帶子，連埋壽司飯食都幾好味。呢個生菜橫睇掂睇都唔似係壽司，入面其實有煙熏三文魚，個生菜好新鮮爽脆，三文魚無得彈。鍋巴鵝肝
第一次飲櫻花茶，味道好特別！好清香但又唔會苦。
超迷你蘋果酒，好解渴，而且有微微酒香。
前菜係煙燻溏心蛋同鴨胸，好香煙熏味，而且蛋嘅生熟程度控制得好好，yummy.
刺身好特別，唔係平時食omakase 咁切片上，廚師醬啲魚生收埋咗係牛油果入邊，面頭係牛油果醬，有淡淡的Wasabi味，入面係切粒魚生，有三文魚，油甘魚同鱆目魚，呢個配搭好清新，但略嫌魚生有少許魚鱗。
呢個牛骨湯嘅煮法似係一場表演，滾左之後啲湯會向上升，熄左火之後啲湯又會落返黎，連埋和牛、水菜、蓮藕一齊食，味道濃郁！
呢個黑松露南瓜饅頭熱辣辣，醬汁惹味，同柔軟嘅南瓜一齊食好夾。
石鍋清酒銀鱈魚點酸汁食好鮮味，唔腥。
呢個天婦羅有幾種味，分別係黑松露、腐皮、米通、原味蝦，好有創意。
報紙雞好搞笑，啲報紙其實係米紙，雞肉都幾嫩滑，唔錯！
食到呢度有個柚子冰沙清一清個口，預備食跟住落嚟嘅壽司。
以下食嘅幾款壽司款式好新穎。首先有豆腐扮紙咁包住牡丹蝦同帶子，連埋壽司飯食都幾好味。
呢個生菜橫睇掂睇都唔似係壽司，入面其實有煙熏三文魚，個生菜好新鮮爽脆，三文魚無得彈。
鍋巴鵝肝壽司，加入左西方嘅鵝肝，下面嘅鍋巴超級脆，一齊食感覺會冇咁漏。
呢款壽司以糭嘅形態出現，拎開個夾有舊蟹肉糯米應聲彈出，加埋蟹膏一齊食，感覺都唔錯。
辣味吞拿魚薄脆壽司，吞拿魚個汁有啲漏，但飯入面有青瓜可以平衡返。
最後嘅甜品係焦糖多士加抹茶雪糕，夠晒飽～
张贴
