Neko Puff (已結業)

荔枝香檳芒果拿破崙 $358 (1磅）煩惱緊買咩既時候朋友食過覺得不錯推介左呢間蛋糕俾我，睇睇下原來佢地既拿破崙蛋糕係拎過獎，仲要係屋企附近，就訂左個去party room 一齊食。個樣一睇就好賞心悅目，面頭有滿滿既荔枝香檳啫喱同芒果粒粒，夾埋個畫面好靚🥰裡面既cream 做得ok,就算放左係室溫1-2個鐘都冇塌，雪凍左再拎出黎食，個皮都仲係好鬆脆，不受氣溫影響。佢既酥皮都好多層，食落好有口感，好滿足。本身就覺得會好膩，佢既酥皮鬆脆得黎好香，夾埋啲cream 岩岩好，整體都唔會太甜，8個人分黎食都冇問題。