沐白小農 (已結業)

黑糖珍珠鮮奶最近大熱，但我最愛嘅其實係芋頭鮮奶，可惜唔係間間都有。但係有間過江龍 有齊曬兩樣，而且水準非常高，最近仲開埋分店喺尖沙咀，太好喇！之後出去食飯都有得飲了，佢就係沐白小農啦！😍講下最出名嘅黑糖波霸鮮奶先！可以見到黑糖紋非常之靚，拎上手杯底熱辣辣㗎，職員都好貼心咁提示飲之前要搖一搖，咁啲黑糖就可以融入係啲鮮奶入面。飲一啖真係不得了，鮮奶非常濃厚，黑糖味非常香甜，再加埋彈牙嘅珍珠，三者嘅配合非常好，係我喺香港最愛之選！😜😜另外一杯好出名嘅係大甲芋頭鮮奶，可以見到 芋頭嘅份量係非常之多。佢嘅芋頭非常香，煮得有口感，芋頭蓉中仲會有少少嘅顆粒，同鮮奶非常夾。望落好飽，但飲落去一啲都唔覺，好快就飲曬！😛冬瓜檸檬好大杯，冬瓜同檸檬嘅味道都平衡到 ，檸檬味唔會太搶，如果可以甜度低啲就好喇！🤣