大廚料理 (已結業)

一行四人午餐，為同事farewell午餐原來係要提前寫菜單，但職員係食飯前一晚嘅23:30先whatsapp叫我選定菜單，我只能先幫其他同事揸主意統一揀同一個餐（其實只有A同B餐）A餐嘅湯係濃湯魚翅佛跳牆， B餐嘅湯係冬蟲夏螺頭燉北海道遼參湯，因為我本人係唔食魚翅嘅，所以我要求其中一個湯改為燉湯。店員嘅回覆係四個餐都要改為燉湯，原因係佛跳牆燉唔切會唔夠味。首先，開飯前一晚嘅23:30先打俾我叫我揀餐，已經遲；其次，你俾個菜單我揀，揀完又話做唔切，咁揀嚟為乜？環境，要行一層樓梯上工廈，經過一條暗黑嘅走廊盡頭就係餐廳，室內環境，就係工廠食堂。入座後，職員遞上四杯黑杞子蜜，我睇返個菜單，應該係鮮榨橙汁或者神石榴汁，問返店員，店員話冇材料所以改。喺呢一刻，不滿指數已經升到上5/10食物方面，都頗為失色龍鳳鬥（巴馬臣芝士釀雞蓉大虎蝦）芝士同埋雞肉嘅味道搶咗蝦嘅鮮味，大虎蝦並唔新鮮，有輕微地霉冬蟲夏草螺頭燉北海道遼參味道很清甜，俾足心機燉，料頭夠，蟲草有三至四條，遼參發得夠，係整個餐單裏面最好嘅一道菜野生松茸菜苗呢個菜式，夠晒離譜，松茸係酸嘅，相信都擺咗喺雪櫃一段頗長時間同職員反映後，改為上湯蝦乾