仝堂茶聚

营业中

休息中

之前有一日收工嘅時候因為天氣唔好，所以揸車嚟咗又一城呢間嘢去飲茶。嗰日係星期六，但即使去到晏晝1:30都仍然需要排隊，大概排咗半個鐘頭方可入坐。一睇餐牌就發覺有好多好多嘅經典點心可以選擇，最後就嗌咗好多唔同嘅點心，包括大蝦餃、乳鴿、炸兩、潮州粉果、無骨鳳爪、錦鹵雲吞、蟹肉伊麵、辣酒煮花螺、咖喱魷魚、鮑魚燒賣。除咗辣酒煮花螺味道稍遜之外，其他的味道都相當唔錯。後來發覺好似嗌得太多，三個人都係僅僅食得晒。最後三個人埋單係超過$1000 ，我未試過飲茶飲到咁貴，但係我覺得都幾滿意。