沙嗲王 (眾安街) (已結業)

環境呢間沙嗲王係二樓，樓下有瓷磚整的凳比人等位等lift果陣坐，未上到樓已經有少少異國風情。我地大約六點令鐘去，好彩唔洗等位。上到去異國氛圍更重，燈光泛黃，比人慵懶的感覺，好適合慢慢吹水，不過用餐時間只係有個半鐘。食物我同朋友叫左個二人餐，每人各有一set前菜主食加飲品，另外有一份小食。前菜（湯或沙律）蘑菇白湯，蘑菇都幾足料，飲落唔算太結又唔會太稀，岩岩好。主食芝士焗牛柳飯成個飯除咗芝士之外原來仲有粒蛋鋪面，半生流心，食果時吉爆佢非常之吸引芝士十足，纏住匙更惹人胃口白咖喱雞扒飯及小食（脆蝦棒）蝦捲好脆口，啲涵都有咬口，食得出蝦膠都有打過下。飲品（鮮榨青檸柑梅蜜配蘭香子）成杯飲品非常清新，有青檸味做主調之餘仍淺嚐到梅的味道，原來入面真係落左粒梅，蘭香子反而未見特別上處。