梨滿園韓國料理 (已結業)

情人節前夕，我地三pair情侶一齊去呢間餐廳預祝情人節。醬油鮑魚 ($98 三隻)第一次食生鮑魚，因我地六個人所以每人share左半隻。食落唔係太咸太濃味，清清地，質感同熟既鮑魚分別不大，都一樣好食。黎到韓燒梗係要燒烤啦！特選牛肋骨($168/350g)由於我男朋友好鍾意食牛既關係，我地醃同唔醃兩款都叫左黎食。唔醃個款燒完就點鹽食，有點淡口；而醃左既就好食得多，個調味做得好好，好香醬油味，將啲牛肉味帶左出黎。我不禁食左好多！鮮大蝦($128 四隻)啲蝦真係好大隻，長過一隻手掌打開！個服務員教我地放係爐邊平放咁燒會好味啲！啖啖肉又爽口真係令人好回味！唔好以為我地呢餐淨係肉，其實佢仲比左六款前菜我地，有泡菜、芽菜、南瓜、芥菜等等，食完仲可以添架！每碟既味道都做得唔錯！我仲叫左杯熱既紅棗茶($12)，好飲不過細杯左少少，好快飲曬。值得一讚係呢度既服務好好，個姐姐好耐心serve我地，教我地啲食物點先最好食。