樂天大喜屋 (已結業)

今年母親大人話要拆餐勁，但又想慳住我荷包，所以特登揀左節日麵無加價既放題黎慶祝嘩 好正喎～自助區有新鮮海蝦同青口食好少有喔！！海蝦鮮甜彈牙，我覺得自己係食緊酒店buffet一d雪藏味都無，讚！仲有沙律菜，泡菜，秋葵，車厘茄等冷盤及熱盤熟食，好多選擇。呢個分蹄配上酸辣汁，超好食炆花膠食完即刻覺得充滿骨膠原～～美中不足係粒冬菇，完全未稔，仲有未剪掟豉椒炒蜆炒得出色豉椒味香，蜆無沙而且甜，証明夠新鮮呢個蟹粥極讚！！蟹肉豐富，粥底夠綿夠熱，味道鮮甜，真心好味飲酒既朋友不能錯過飯後甜品都有排你揀時令生果，乳酪，豆腐花，仲有雪糕雪條係格離。