祺森冰室

营业中

休息中

得閒行下坪洲，見啲人話呢間蝦多士出名，雖然見其他人post出嚟個樣唔多似以前見過個啲，不過都去試吓，總之好食就得。主角出場，原來係將蝦蓉沙律放係二塊麵包中間，然後兩面沾麵包鏮炸。呢個食法我未試過，食落有啲洒家似海鮮沙律卷。食落有啲失望，無香蝦味不特止，仲有少少亨腥味，估計打蝦蓉時無先將蝦肉整乾身，經過一日時間就出事。而且同我認知既蝦多士差甚遠，所以有啲失望。朋友叫個吉列豬扒配咖喱飯，又係正正常常一般野，不過價錢就唔值。另外叫咗個豬扒三文治，好在豬扒夠大，而且有啲配料係中間，好過其他一般茶仔嘅做法，呢度加返少少分啦如果呢間野係以呢個蝦多士做招牌，我就未必山長水遠過嚟食，建議佢整返隻蝦係面做下裝飾，如果唔係你話海鮮沙律三文治都有人信。