影片
更多
2018-03-26
468 浏览
順德別稱「鳳城」，物產富庶，淡水河鮮特別多，舊年獲聯合國教科文組織頒發「世界美食之都」既殊榮，見呢間酒樓用到鳳城嚟到做招牌，好似好靠得住咁，就入嚟試吓。大良炒鮮奶，順德菜既特色在於所用既食材並唔係乜野名貴貨色，烹調既精髓全在於細節之中，好似呢一道著名大良炒鮮奶咁，呢一啲咁高難度嘅菜式， 喺屋企煮唔到， 出到嚟食飯梗係要嗌吓；傳統既炒牛奶指定要用水牛奶嚟炒，而且係要用軟炒，即係炒既時候動作要輕柔，要達到口感嫩滑，不能起焦或油膩既標準。 呢度個炒鮮奶唔算好多油， 但係都炒得好滑， 媽咪大愛， 狂風掃落葉式瞬間就清咗碟。欖角焗肉排， 不嬲都好鍾意攬角嘅味道，見到餐牌有呢一道餸，唔使考慮即刻點上，肉排新鮮唔用雪藏貨，所以仍然食得出淡淡嘅豬味，欖角同個酸甜嘅汁互相配合，好食得很。上湯焗龍蝦伊麵底，伊麵嚟到先試一啖上湯，有住濃郁嘅龍蝦味就知道似樣喇，龍蝦個仔不少，肉質爽口彈牙，嗌龍蝦伊麵底，主角往往都係個伊麵，伊麵趁住呢個咁有龍蝦味嘅上湯，又係一絕。家鄉釀鯪魚，鯪魚係順德四大家魚之一，雖然魚刺比較多，但是肉質鮮美，家鄉釀鯪魚取多骨鯪魚嚟製作，鯪魚拆肉打成魚膠再釀番入魚皮入面，變番一條完整的鯪魚，炸
順德別稱「鳳城」，物產富庶，淡水河鮮特別多，舊年獲聯合國教科文組織頒發「世界美食之都」既殊榮，見呢間酒樓用到鳳城嚟到做招牌，好似好靠得住咁，就入嚟試吓。
大良炒鮮奶，順德菜既特色在於所用既食材並唔係乜野名貴貨色，烹調既精髓全在於細節之中，好似呢一道著名大良炒鮮奶咁，呢一啲咁高難度嘅菜式， 喺屋企煮唔到， 出到嚟食飯梗係要嗌吓；傳統既炒牛奶指定要用水牛奶嚟炒，而且係要用軟炒，即係炒既時候動作要輕柔，要達到口感嫩滑，不能起焦或油膩既標準。 呢度個炒鮮奶唔算好多油， 但係都炒得好滑， 媽咪大愛， 狂風掃落葉式瞬間就清咗碟。
欖角焗肉排， 不嬲都好鍾意攬角嘅味道，見到餐牌有呢一道餸，唔使考慮即刻點上，肉排新鮮唔用雪藏貨，所以仍然食得出淡淡嘅豬味，欖角同個酸甜嘅汁互相配合，好食得很。
上湯焗龍蝦伊麵底，伊麵嚟到先試一啖上湯，有住濃郁嘅龍蝦味就知道似樣喇，龍蝦個仔不少，肉質爽口彈牙，嗌龍蝦伊麵底，主角往往都係個伊麵，伊麵趁住呢個咁有龍蝦味嘅上湯，又係一絕。
家鄉釀鯪魚，鯪魚係順德四大家魚之一，雖然魚刺比較多，但是肉質鮮美，家鄉釀鯪魚取多骨鯪魚嚟製作，鯪魚拆肉打成魚膠再釀番入魚皮入面，變番一條完整的鯪魚，炸熟切塊上碟，係順德菜既考牌難度之作；釀鯪魚有「三絕」，第一絕係將鯪魚剝出皮囊，起去其骨，釀回肉糜，保持其形；而刀工精細則是第二絕；第三絕係釀餡煎熟後既慢火燜，釀鯪魚喺原汁、二湯同味料既滋潤下，喺熱力既催動下逐漸成菜，各種呈味成分喺佢身上互相滲透、交融，形成咗味道香濃、質地腍滑既佳肴，裏面既魚肉已經同其他食材打成魚膠，魚肉纖維分解，食起上嚟更加鮮嫩可口而富有彈性；廚師採用傳統手工炮製，喺一條完整無損既鯪魚皮中釀入魚膠，保留咗特有既家鄉風味。
食食吓翻翻餐牌見到呢個片皮鴨鱘龍全包宴，餐廳經理即刻引領我地去睇唔係度度都有得食既鱘龍，最左下角嗰條就係喇，1280就可以試到半席呢種少見嘅魚，下次做節有得諗吓喎。
张贴
