大家樂 (順利邨)

营业中

休息中

近日有緣來到順利邨，當然要周圍試下好野食，最穩陣嘅梗係要去啲大集團嘅舖頭啦，今日就去大家樂。適逢下午茶時段，一於就食個清清地嘅茶餐啦。我今日就食魚湯雲吞水餃、炒麵、春卷。因為有報紙優惠券，所以平三蚊，加埋電子支付嘅優惠，再平多幾蚊。呢個餐份量都ok，就算我當午餐來食都好夠食。魚湯真係幾好，有魚嘅鮮甜美味。炒麵就係正常嘅炒麵。春卷其實都算驚喜，因為至少個皮唔係好淋，而且都有啲溫度。廿幾蚊食到呢個餐，其實真係唔錯。