呂仔記 (已結業)

住係呢頭附近既你一定會識呢間呂仔記，唔係住係呢頭既都要聽下呢個名，同賣啤酒廣告一樣，呢個可能係全世界最好味既魚肉燒賣。呢度啲燒賣真係唔講得笑，一層薄薄嘅燒賣皮，包住爽口既魚肉當你咬落去第一啖嗰陣，啲魚香已經係你個口到湧出黎。佢唔單止香仲好爽口彈牙可以先食一粒乜辣油都唔加，感受下佢果種魚鮮味。再食有辣油既，又更加提鮮。包你食八粒都唔夠。同埋一定要點杯椰汁。不論春夏秋冬，杯嘢就同燒賣天衣無縫咁夾，唔係話誇張，你自己試過就知食過無數次都係覺得係咁好食