牛舞日本燒肉‧涮涮鍋放題 (1亞太中心) (已結業)

嘩！今晚同老婆去左觀塘亞太中心10/F牛舞，揀了日本薩摩和牛放題120分鐘😋。入到店好大間好寬闊，而且每張枱都有燒肉及打邊盧設備，手機落單方便及超多食物選擇，出面還有自助bar，有打邊爐配料及飲品，雪條生果，就連爆谷都有🤣。先來杯梅酒先😋，好甜好易入口👏🏻，之後就是燒肉時間，薩摩和牛（雪花好靚），輕輕一燒已食得，入口即溶，超正，再點少少燒肉汁更可口🤭。磯煮鮑魚一早醃好，燒起食超入味😋，甲羅燒（蟹蓋裝滿蟹膏）再加入生雞蛋燒3-5分鐘，正，而且蟹膏份量都幾多，膽固醇高都唔理得咁多😆食左先算🫡。之後食下魚生，雖然選擇不算多，但魚生新鮮👍🏻三文魚我黎啦！食左接近一個鐘，都未得閒打邊盧，因為真的分身不暇，張咀太忙啦🤣🤣。今晚放題真的超正，大滿足👏🏻👏🏻👏🏻。