SENSU (已結業)

今日終於去咗呢間勁出名既Sensu，成個環境都好舒服同埋每張台都保持到空間感，同另一半食嘢同傾計都可以好盡情!和牛康堤芝士漢堡配薯條漢堡包大小適中，包皮有輕輕烘過所以脆口得嚟又保持到麵包既鬆軟，和牛扒超高質而且肉汁超多，一咬落去成口都充滿和牛既香味，加上煙韌既康堤芝士，成個包既口感同層次都一流！ 薯條方面係粗身既而且夠哂熱辣辣，就咁呢個餐已經非常出色。另外再加個水牛城雞翼，雞翼炸得好脆同埋炸粉夠薄，保留到肉汁同時又好惹味。特別係個醬汁，酸辣既口感好突出，鍾意食雞翼一定要叫!