孖沙茶餐廳 (已結業)

會揀去呢間茶餐廳食野，需要一定既勇氣！第一，要同人逼住食 (7個人一張小圓枱！無講笑！)第二，要融入其中，店員隨心隨意，未到於無禮貌但你都要相對適應一下第三，要食得油膩。我地食既兩樣，三蛋餐肉同黑椒牛肉炒意粉，真係有番甘上下油，健康飲食既人就無需嘗試。講番個餐蛋飯，簡直人間極品！蛋黃豉油撈飯，天作之合！炒意粉，鑊氣十足，黑椒味剛剛好！配凍檸茶，一流！下次可以既話，一定會早啲去試叉燒煎蛋飯，太快賣晒喇！