韓閣 (新都城中心二期) (已結業)

睇睇下韓劇就會想食下韓國菜，但係香港好難搵倒又抵食又好食的韓國餐廳，終於比我搵倒啦😭因為有25折小食優惠，比8蚊就食倒❤️炸紫菜粉絲卷，超抵食，另外12蚊帶子蝦春卷都幾好食有驚喜。佢送既三小碟都好開胃。全晚最中意係海鮮煎餅，煎得好脆好好食，個粉較得好好唔會粉，既黏糯又夠脆口，海鮮分量足，所以整體好正。我個人鐘意再落多d菜係裡面。最近落雨凍凍地，捉住冬天既尾巴食左個一人火鍋，估唔倒豆乳味增湯底咁好味道，清清地好易飲曬，唔覺係味精湯。肉同餸既分量都幾多，大大兜，好飽肚，出乎意料，所以最後反而係蜜糖炸雞食唔曬。最後仲要飲兩杯牛蒡茶🍵消滯清熱氣。