浦井韓食居酒屋 (已結業)

ISquare一向都食肆臨立嘅集中地，今次去到呢間韓菜非常有名嘅餐廳，滿足一下食肉獸嘅胃口。餐前主推韓燒，所以都有午市晚市嘅套餐，而我地就先叫左呢客韓牛拼盤，牛舌、肉眼、小牛排、腹胸肉。薄切嘅牛舌方便咀嚼，亦不失爽口嘅口感，牛腹胸肉有著雪花脂肪點綴，燒起嘅時候自然更有香味; 而肉眼可謂整晚精華所到，選料非常靚，先將6面嘅表面封煎鎖緊肉汁，切成薄片再放上爐上燒，牛嫩肉香嘅感覺非常濃烈。而爐火旁邊嘅滑蛋，有原味同泡菜兩個口味，流心嘅蛋漿令人不可抗拒。除咗韓燒之外，我地仲要左一客海鮮豆腐湯，用料非常多，包括有青口、魷魚圈、鮮蝦等材料，所以湯水必然係鮮甜味美，值得推介。