Life Toast (希雲街) (已結業)

雖然呢間小店並唔係韓國過江龍，但賣點同韓國嘅三文治店一樣，係即叫即製嘅爆餡吐司。▫️軟殼蟹親子滑蛋 (HKD68) + $15 將紙盒吐司升級做套餐，跟罐裝汽水及小食一款。用「爆餡」來形容吐司絕對冇誇大，原隻軟殻蟹尺寸同塊麵包差唔多，兩塊麵包勉強夾得住一隻軟殻蟹。厚厚嘅滑蛋、生菜等配料將份吐司塞到漲卜卜😬😬 麵包充滿牛油🧈香味，味道甜甜地，好似蜜糖味咁😋套餐小食可以揀薯條或紫薯餅。我見以紫薯餅做小食嘅地方唔多所以就揀咗。每份吐司整好後會放入一個小黃色盒裡面先上枱。基本上食份吐司嘅時候唔會因為爆餡嘅關係而整污糟雙手😆😆