新派韓食館 (已結業)

新界人每次食韓國野都要千里迢迢去九龍香港，而家新界終於有韓國野食喇！喺大圍嘅sister korea可能因為屋邨鋪租較平，鋪頭都幾大間，不過都坐無虛席！入到去見到裝修都幾得意，坐低食少少前菜先。未黎之前已經mark住醬油蟹，係每日韓國直送架！成隻食就試過啦，撈飯食又試過未先？呢度醬油蟹比較細隻，係比你拆肉拆膏撈飯食既。可能我地太輪盡，搞左一陣就有店員主動過黎幫手，原來呢度都有唔少韓國店員！一路撈一路嘩，蟹膏加埋紫菜芝麻好鬼香。仲有鮮甜鮑魚，都幾入味！食韓國野點都要食下炸雞，份量少少岩晒過口癮。仲食左個隊長鮮貝烏冬鍋，都幾足料，熱熱地滾滾下又幾好。飲品就叫左菠蘿冰，用左原隻菠蘿裝住冰凍冰沙，大杯到飲唔晒。