Unnie

营业中

休息中

放工約咗冇見一排嘅好友，揾個地方晚飯，分享近況。喺銅鑼灣閒逛咗一會之後去咗間樓上小店。喜歡韓星嘅追星一族真係啱晒，小店非常多韓星嘅照片，對住喜歡嘅明星食飯會更開心呀🤣感覺上小店係主打韓式fusion，有數款意粉都融入咗韓菜元素，非常特別。同朋友各點一個意粉🍝再升級+$66套餐，包括有粟米濃湯、自選飲品、精選蛋糕，好抵食，如果想主攻蛋糕🎂餐廳做緊Promotion🤩星期一至四只要+$28，冇錯係$28！就可以嚟個蛋糕放題🍰魚糕串辛辣麵卡邦尼意粉 $128————————————魚糕係我最喜歡嘅韓國街頭小吃！辛辣麵同卡邦尼意粉Fusion出奇地夾，意粉好Creamy，食到韓式辣醬嘅風味🍝配上辛辣麵碎，脆口食又幾過癮。火炙北海道帶子配海鮮炸醬意粉 $148————————————以前睇韓國綜藝，啲藝人成日話要食炸醬麵🤣終於可以到我一試，韓式炸醬偏甜，同海鮮都幾夾。藍桔新高香梨汁————————————梨汁竟然係藍色！顏色好靚，梨味好香甜🍐夏日炎炎飲杯梨汁清爽吓，消暑解渴，真係非常正！蛋糕(柚子乳酪&Tiramisu)————————————揀咗兩款蛋糕🍰一款感覺比較清爽，另一款感覺比較香濃。