韓膳宮 (已結業)

韓風不嬲都吹得勁，因為睇到YouTube，就成就今次食韓國燒肉任食！我哋一行六人，一早用OpenRice book定。餐廳都好貼心，當日下晝又WhatsApp 又打電話俾我哋同我哋confirm有位！😊🙌🏽 雖然我哋遲咗少少去到，但都立即幫我哋安排六人座位。用QR code 落單，非常方便快捷又衛生！職員都好熱心解釋我哋聽，而且好貼心，落單份量係跟客人人數，即係落一份就會上6人份，咁我哋就唔使煩撳6次。雖然肉類選擇唔多，但係樣樣肉都常新鮮。就連前菜都可以任添。不過如果能夠多啲飲品選擇（例如啤酒只得獅威），就會更好！