韓舍 (已結業)

睇openrice見到韓舍韓燒的評價唔錯，所以就book 左8:00 PM 去食，估唔到星期三晚去到都人山人海，仲要因為之前的 booking 遲左到，結果延遲到8:45 PM先入坐。好彩係等的時候外面有棉花糖機，可以邊玩邊食邊等。因為等得太餓，一入到去先攞馬上有得食的，壽司同刺身款式唔多，質素都係一般，但都算正正常常。炸物 都係麻麻地，反而熟食唔錯，可能太遲入坐，其中的蟹粥其實只係白粥。除此以外，其他食物都補充得好快，唔會怕攞唔到。終於到主菜韓燒啦~都係正常款式，不過個爐火力唔算大，都要等一陣子先食得，同埋要主動Ｄ叫人換鐵板。係等的時候當然要玩下章魚丸機同炒雪糕機，不過整得好食係唔容易的，但玩完有得食都係好過癮。最後甜品同飲品都有好多款式，總有一款啱口味。同埋而家 openrice 有個2月生日之星免費，所以都平過預期。整體而言，咁既價錢食到咁多款式同質素都唔錯的食物都算合理，最重要係都有不少可以玩到。