韓舍 (已結業)

今日同老婆路過旺角，諗緊有咩好食點知就收到一大堆傳單，望呀望，諗呀諗，見到有一間又有韓燒又有刺身又有甜品咁。就去試試啦，佢個名都幾得意叫韓舍。7點半上到去，差唔多坐滿晒人，一黎到當然要行返轉睇下有咩食先啦，個場都幾長，我就坐係最尾，都幾好呀有得行下，係個尾行到去最頭就見到一大堆生肉同菜，係用黎韓燒既，排得好整齊，而且仲好似好新鮮咁，拎返D返去試試佢先。行返去中間位就有10款左右既熱食，同埋飲品，仲有大量甜品，同刺身壽司咁。好先講韓燒除左有大量肉類，仲有海鮮同埋菜，佢個魷魚好大塊﹛又唔駛燒好耐，仲好鮮味tim, 另外，佢個五花腩都好正，燒完脆脆地咁，好好味，其他肉都唔錯冇雪味。除左燒肉，佢仲有沙律，前菜同埋冷盤，蝦，青口，蟹仔等。刺身都係必食既，佢既三文魚係厚切的又肥又新鮮，另外仲有八爪魚，希靈魚，鯛魚就唔太特別了。熟食方面就仲有菜、魚、肉、炸野等等飲品就有沙冰、汽水，美祿、好立克，茶等，選擇真係好多好多。另外仲有大量甜品，一杯杯咁，當然仲有一件件既蛋糕，仲有朱古力噴泉、炒雪糕等。價錢$178加一，有咁多野食，真係好抵呀!!!