堅韓牛韓燒放題 (已結業)

自從朋友試左一次堅石燒就上左癮咁…每次Lunch聚都話“如果唔介意的話…可以去堅石燒”。 大大話話都去左3次…今次我地話你咁鍾意…不如試下另一間同group餐廳…朋友話無所謂…終於可以轉下環境😅堅韓牛其實係一間韓燒放題餐廳…得兩個選擇就係食美國牛定韓牛(貴5草)…難得黎到點都試下韓牛啦…呢度點野食都係畫紙仔形式…大至分開左小食…蔬菜…肉類…海鮮同主食…野飲就自己行出去雪櫃攞…除左基本罐裝野飲外…仲有自家沖既無糖茶👍👍。飲咁多甜野真係命都唔長…既然點左韓牛餐…梗係勁點韓牛啦…乜都Tick黎試下…再加少少雞肉…少少魚同帶子…同少少蔬菜…(最後都點左3轉牛肉🦁🦁)因為包場咁滯…野食雀一聲就到…唔同既韓牛放埋一碟…老老實實…真係唔知邊忽打邊忽…食飽先講…我對食物描述真係有限…只可以話牛肉質素以呢個價錢無詐型…有牛肉味…牛肉質感幾好…好味的…至於魚同帶子都幾好喎…魚柳好滑…最搞笑係店員應該好L得閒…自己過黎幫手燒埋一份…話魚同帶子要燒10分鐘先可以幫佢轉身…咁我地咪由佢燒…點知手痕搞左下佢俾店員發現左😛店員(講笑):都叫你地唔好反住…而家全部黐哂我就駁咀: 我反左一件…其他無郁過唔好瀨我喎😏😏不