堅韓牛韓燒放題 (已結業)

前幾日同朋友行旺角，見到有幢726大廈全部都係餐廳，就入去搵間食晚飯～ 朋友話想食燒肉，所以就揀左呢間燒肉店～餐廳環境唔錯，頗為乾淨，而且坐落都算舒服～坐好之後，待應就介紹我地點呢到最出名嘅「1++韓牛燒肉套餐」，有一份韓牛肉眼，仲有兩份韓牛他他～終於野食黎啦～係韓牛他他，啲牛肉勁勁勁新鮮，撈埋啲生雞蛋，食落口好滑，而且啲牛肉又好有口感，一個字正！然後主菜黎啦，就係1++韓牛肉眼～塊肉眼脂肪分佈好均勻，燒完食落去每啖肉都好juicy，每一啖都係入口即溶化～食完肉眼，我地就點左佢其他放題肉類，都係好新鮮同美味。整體黎講，呢間實屬高質放題烤肉！