Running 燒 (已結業)

朋友生日， 約佢去running燒豪嘆生日韓式燒肉放題。步入餐廳，感覺乾淨無油煙味。抽油煙通顏色鮮豔好有特色，可以作為裝飾之用。雖然只有幾張落單紙，選擇卻非常多。海鮮同豬肉就有十款以上，雞肉同豬肉就超過五款，羊肉亦有兩款。另外，仲有多款蔬菜 、麵、小食，白飯同靚湯都有。另加錢就可以品嘗到特色酒類飲品。餐廳提供任點任食海鮮、肉類同飲品。 韓式前菜吾少得，全部非常惹味。真貼心，其中一碟白蘿蔔係用作清潔燒焦物嘅。醬料區都有多款醬汁同醬料任君調出個人口味！先清清味蕾~點了個蔬菜沙拉，蔬菜新鮮爽脆，色彩艷麗。落單一陣，服務員送上食物，吾需要自己到外面取，避免人多一起取時搞到一團糟吾衛生嘅情況。豬、牛、雞肉吾會過肥胖。生蠔隻隻新鮮。大蝦、帶子同扇貝同樣大大隻。亮點燒蠔帶點海水鹹味，吾太需要點醬料。大蝦、帶子同魷魚Q彈香口，我哋加追左2輪。豬、牛同雞肉都好入味，吾會太鹹。鯖魚充滿油甘香味，同樣值得一试。大魚大肉過後，點埋幾款新鮮蔬菜，抱住肚皮，大滿足。我同朋友都覺得 running燒環境、衛生、服務同食物都好好，上菜又快，CP值高，任點任食，食到飽飽，食到非常過癮!!喜歡食韓燒值得來試試。