韓珍 (帝國中心) (已結業)

同太太加埋佢朋友，一行4人去咗位於尖沙嘴麼地道帝國中心嘅韓珍食韓燒，人齊埋位，太太先叫一個拼盤，包括有五花肉，豬肩肉，已調味嘅特級牛肋骨。有一個牛胸肉大醬湯，白飯兩碗，牛油果＆生果沙律，飲品有柚子汽水，奇異果汽水同啤酒，又叫咗一份300g嘅韓牛西冷牛扒，一個部隊鍋，先嚟係飲品同韓牛，侍應好熟手咁同我地將韓牛放落去燒，一陣已經將韓牛剪開一舊舊，跟住熄壚，等我地慢慢品嘗韓牛嘅美味，入口即溶，大家一件又一件咁食，配啤酒真係正，跟住大家飲呢嗰大醬湯，味道濃郁，湯料又多，唔怪得嗰湯咁濃味，部隊鍋都好大碗，每人要食兩碗先食得晒，辣辣地，味道唔錯，好開胃，侍應又嚟同我地燒五花肉同豬肩肉，兩隻肉都好冧，燒到兩邊金黃色，包住生菜食更加好味，幾個人又飲又食，時間過得特別快，食埋甜品雪糕先走。