Running 燒 (已結業)

今次同男朋友黎食韓燒！真係好耐無食過任食韓燒！一開始侍應已經攞左四碟前菜上檯！推介食泡菜，味道唔錯，少少辣甜甜地，好易入口！另外佢地除左有燒肉之外，另有其他韓式食品，例如韓式炸雞、 辛辣麵、韓式炒粉絲、阿豬媽靚湯等。如果食完燒肉覺得唔夠飽，仲可以點飯食添！燒肉方面應有盡有，有雞、羊、牛！雞翼方面，餐廳用上單骨雞翼，極之方便客人食用！另外牛肉極為入味非常推介！燒海鮮方面，有龍脷柳、生蠔、魷魚、多春魚等等！雖然生蠔燒熟細細隻，但係好新鮮好清甜！另外，韓燒個爐比較大火，大家要小心啲睇火。最後，食返呢個韓國雪條，好有蜜瓜味！🤤兩個人total$458!間唔中想食都ok!