OPPA韓國燒肉店 (已結業)

今日同老婆嚟到呢間位於大埔舊墟直街嘅 OPPA韓國燒肉店食晚飯。餐廳裝修四邊牆身噴上卡通漫畫圖案，十分別緻。地方夠闊落，樓底又夠高，坐得十分舒適。四邊電視機不斷播放韓國MTV，感覺去了韓國食韓燒一樣。一坐低先嚟兩杯白酒，同老婆飲返杯。白酒配海鮮，先嚟個海鮮拼盤。包括有大大隻嘅帶子、大蝦、鮑魚。帶子夠曬大隻，面頭鋪上大量蒜蓉，食落口夠鮮又夠味。大蝦味道新鮮，爽口又彈牙。鮑魚夠曬厚身，好咬口。嘆完白酒和海鮮，再嚟兩杯紅酒。跟住嚟個燒牛肉拼盤：有A4黑毛和牛肩、牛舌、牛三角腩；澳洲和牛金錢展、牛下腹腩；仲有封門柳、牛肋骨……款款都味道新鮮，牛味濃郁，食完當然要reorder啦。另外，再配上原條五花腩 燒完之後肉質鮮美，口感又爽又彈，十分正。雪濃湯，顏色奶白十分吸引，牛味鮮美，飲完一碗接一碗！除咗肉類都點咗啲南瓜同粟米粒平衡下。食飽飽，最後歎杯滋味雪糕，滿足！