LAB10 (已結業)

係一間好靚既韓式餐廳，餐廳既設計吸引到我望左好多次，環境好光，冇油煙，聽住播緊既韓文歌真係好似去左韓國咁！搭lift直達到10樓超方便，一出就見到。好得意既設計，時尚感十足！標榜無煙韓燒有趣，唔怕一陣韓燒味！$198哩個set超抵，有成7個部位，一次滿足左我想食牛既慾望。lunch set選擇多 價錢好抵！用個牛仔盆裝住好可愛，開火後等大約2-3分鐘就燒得，牛肉顏色新鮮，雪花分佈都好靚，好吸引。特別喜歡食厚切牛舌，好爽口，牛肋條哩個部份好林，點韓式辣醬食一流！鰻魚芝士熔岩飯 $72連一杯熱柚子蜜，金黃色既芝士包住粒粒珍珠米飯好好味，飯粒用左蛋花炒過更香。鰻魚好入味，冇骨，好推介！lunch set - 梨汁牛五花 $58包白飯同海帶湯，哩個價錢食到咁大盆五花肉係超抵食呀！加入左梨汁，令肉汁甜甜的，唔洗點醬汁都已經好好味，肉切得好薄，燒果時要留意勁快食得。