影片
更多
2018-03-28
71 浏览
好朋友生日，佢不嬲都鐘意食韓國野，所以生日揀食韓國燒，決心要食大條腸。佢係開旺角銀行大廈果邊番工，平日都有經開彌敦道726呢幢食廈，好有趣但無上樓幫襯過，就係咁揀係呢殊食任食韓燒。老納事前有book枱7點半，上到去都唔使等位便可安然入座，仲要係個靚位近窗位置，望到彌敦道街境。一坐底梗係即刻畫紙，韓燒放題來說好多野食揀選，點左好多唔同種類既肉(牛肋骨、烤牛脷、牛仔肉、辣味豬頸肉、五花腩、豬大腸、牛柳粒、烤肥牛、豬頭枕)，肉類選擇好多，碞晒我地兩個食肉獸。呢度仲有海鮮都係任點任燒的說(有蝦、蠔、帶子、扇貝、多春魚、魷魚鬚&魷魚圈)，花多眼亂，一開波每樣都畫左每樣兩件試下。係等既過程點左D熟食既小食過下口癮，又係有好多選擇，點左韓式炸餃子、韓式炸雞、炸魷魚鬚，香口炸物做餐前小吃唔會食飽濟。小食做得頗用心，唔係炸定晒攤到凍晒一直擺係度就咁夾上枱比客，而係新鮮炸上，味道不錯，有掃街必點炸物水準。侍應係開始燒野食之前比左舊羅白仔我地，話用處係獲底燶燶地時，就用佢捽下個獲唔會咁痴底，仲指點我地去櫃到自制調味醬，有蒜蓉、麻醬、韓式甜醬，醬王我調左香蒜番黎啊哈，必食必點，提升香味咁先正。唔使5分鐘所點既
老納事前有book枱7點半，上到去都唔使等位便可安然入座，仲要係個靚位近窗位置，望到彌敦道街境。
一坐底梗係即刻畫紙，韓燒放題來說好多野食揀選，點左好多唔同種類既肉(牛肋骨、烤牛脷、牛仔肉、辣味豬頸肉、五花腩、豬大腸、牛柳粒、烤肥牛、豬頭枕)，肉類選擇好多，碞晒我地兩個食肉獸。
呢度仲有海鮮都係任點任燒的說(有蝦、蠔、帶子、扇貝、多春魚、魷魚鬚&魷魚圈)，花多眼亂，一開波每樣都畫左每樣兩件試下。
係等既過程點左D熟食既小食過下口癮，又係有好多選擇，點左韓式炸餃子、韓式炸雞、炸魷魚鬚，香口炸物做餐前小吃唔會食飽濟。小食做得頗用心，唔係炸定晒攤到凍晒一直擺係度就咁夾上枱比客，而係新鮮炸上，味道不錯，有掃街必點炸物水準。
侍應係開始燒野食之前比左舊羅白仔我地，話用處係獲底燶燶地時，就用佢捽下個獲唔會咁痴底，仲指點我地去櫃到自制調味醬，有蒜蓉、麻醬、韓式甜醬，醬王我調左香蒜番黎啊哈，必食必點，提升香味咁先正。
唔使5分鐘所點既野食已上枱，肉類同海產類就咁望好新鮮(有圖有真相)。韓燒真係好碞食肉獸，梗有至少一兩款肉直插心臟咁正，牛肋骨味道香甜，唔使點醬肉味已好香味四溢，好味道喪番點。
豬大腸都係又一喪點熱物，有醃過既香，所以燒完又係唔使點醬經已好入味，燒到周邊脆脆地食最香口。辣味豬頸肉都唔錯好JUICY，肉汁帶點微辣，包生菜食一流。烤牛脷又係番點左幾轉，薄脆度一流，味、美、香。總的來說，喪番兜點: 牛肋骨、烤牛脷、牛仔肉、辣味豬頸肉、五花腩、豬大腸、豬頭枕，堅要試試呢幾款，包會燒上癮。
海鮮都好鮮甜，落單點既蝦、蠔、帶子、扇貝、魷魚鬚&魷魚圈都比我地清晒，都幾多款海鮮選擇，有得任點任燒真係堅揪抵。
飲品選擇同食放題一樣多，大約十多款，汽水多為韓式罐裝飲料，如果好似我咁係清淡愛好者，愛飲茶既化，都有3至4款茶任君選擇，我專攻樽裝解茶，飲左3-4樽，抵爆。用餐完有甜品揀選(雪條&是日甜品楊枝甘露)，因為勁食無極限左，我地揀左食雪條。
整體來說，食物味道有水準、店內裝修令人好似置身韓國餐廳扮緊阿豬媽烤肉咁好有FEEL，氣氛好熱絡有朝氣，坐係現場食唔知點解有種HYPER好開心既感覺，令人回味既一個飯聚。
题外话/补充资料：
一舉手店員就埋黎收飛，無漏單，要多醬加野換爐都有求必應，服務態度令食客感到舒服
(以上食记乃用户个人意见 , 并不代表OpenRice之观点。)
张贴
