韓牛韓式燒烤 (已結業)

好多選擇 有驚喜😋😋都唔知幾耐無出街食晚餐，今次同朋友出去旺角，就簡左一間朋友推介既韓式燒肉放題，避免太多人既關係，所以我地好早就入座 。 一入到餐廳我地見到自助吧已經好多食物。未燒嘢食之前，可以選擇熟食食物同炸物：牛助骨湯好濃味肉好淋，韓式炒粉絲好有麻油香但唔會太油、韓式炒青口未食過幾特別幾入味、蝦片炸得脆口痕食唔停，質素唔錯。仲有好多款壽司同刺身，不過唔洗食太多留肚食燒肉更好。食韓燒更係有開胃菜，醃泡菜、蘿蔔同酸辣鳳爪，全部都好開胃，鍾意食辣嘅一定會鍾意。來到肉類選擇多到包羅萬有，有牛仔骨、牛肉粒、五花腩、金菇肥牛卷、鮮蝦，等等，海鮮類來講都幾新鮮，唔似擺左好耐同埋亦無梅。特別推介牛肉粒同埋五花肉，肉質鮮嫩，肥肉啱啱好，點埋燒肉汁包埋生菜同泡菜放入口好正！！最後來到甜品都真係好多選擇下，仲有棉花糖機同朱古力噴泉玩。全部任飲任食都只係兩百幾蚊，絕對抵食回本！揀食物條路都幾廣闊，員工服務態度良好👍👍👍👍👍好滿意