韓燒有牛肉，豬肉，雞肉，肉類，海鮮和蔬菜。餐牌一目了然，好清晰。牛肉和豬肉各有9款，每次上嘅份量唔多，可以試齊晒，覺得啱口味再order。調味烤牛肉和照燒薄切五花腩片最好食，已調味嘅牛肉又薄又快熟，夾住生菜食一流。五花腩片燒到啲油出晒，脆脆地，真心推介。調味雞翼都唔差㗎。海鮮類有虎蝦，扇貝和蠔，仲有鯖魚和魷魚。
另外仲有啲好地道嘅熟食，醬油鵪鶉蛋，炒粉絲，石鍋拌飯等等，叫個辣海鮮豆腐湯和石鍋拌飯，湯好足料和惹味，拌着飯一齊食好開胃。
店員醒目又有禮，落單上菜上得好快。而且當店員一見到鐵板燒焦就即刻換，讚👍🏼
