高麗軒韓國料理 (已結業)

想食韓國菜🇰🇷一定會諗起尖沙咀。今次就揀咗呢間高麗軒韓國料理，和朋友來個「韓燒之夜」。呢間餐廳係做任食韓燒，晚市成人價錢由$278起，用餐時間係睇人頭來決定；1-3人用餐時段為個半鐘，4人或以上就有兩個鐘頭。餐廳採用QR code形式落單，鍾意食咩隨時可以自己落單！落單後由廚房直接準備食物然後由店員送上枱，唔洗出去自己夾食物👍🏻而且落單後好快就上食物，我覺得絕對有足夠時間燒+食。每位價錢包任飲韓式罐裝飲品，全部放冰桶裡面任客人自己拎，冰凍飲品係食韓燒必備啦。食物選擇多又豐富；豬肉、牛肉各有五款選擇。其他例如海鮮、韓式料理、湯品、飯類樣樣齊。韓燒放題每人加$68就可以升級任食多6款肉類(雪花牛、羊架、牛肋骨)及海鮮(帆立貝、帶子)。喜歡食肉嘅話以升級價錢就可以食到「加拿大Prime 雪花牛」、「加拿大3A雪花牛」，都幾抵食喎。▫️ 加拿大Prime 雪花牛 - 以呢個等級牛肉品質係最好，油脂較多以及肉質嫩滑。感覺上比較容易飽肚。▫️ 加拿大3A雪花牛 - 同Prime雪花牛相比油脂就冇咁多，味道亦都淡啲。燒嘅時候見到肉汁唧晒出嚟。AAA雪花牛和Prime 雪花牛各有特色，兩款牛肉我都鐘意食。