影片
更多
2025-02-11
1487 浏览
今日同老公去左間西式crossover韓式樓上cafe，去到門口已經feel到韓流襲港，有韓國組合SEVENTEEN成員Dino大海報。餐廳裝修簡約，牆上貼滿Dino照片同海報。餐牌選擇都可以，有主菜、Burger同小食，而+$48 or $66就可配套餐，套餐有餐湯、精選蛋糕同飲品。我哋就叫左兩個main再+$48套餐。粟米濃湯：粟米味濃，質感較傑身，入口都幾滑。傳統人參雞湯配白飯：雞裡面包住左飯，份量幾多。人參雞湯夠熱，雞湯味道OK，滋補暖身，啱晒今日寒流襲港天氣。蒜香辣椒蜆肉意大利粉配軟殼蟹：軟殼蟹原隻上，炸到金黃色，脆口。意大利粉食到好香蒜味，裡面有蜆肉同磨菇等配菜，辣辣地，幾惹味。精選蛋糕：精選蛋糕有6款，平日一至四 +$28仲可以放題添。Tiramisu濕潤，有口感得黎軟熟。抹茶芝士蛋糕較有質感，口感厚實，抹茶味濃。兩款蛋糕都唔會太甜，都幾出色。飲品：特式檸檬茶微甜，底部仲有少少柚子，檸檬同茶味道都剛剛好。老公話Americano苦苦地，味道回甘，咖啡味醇，幾好。
餐廳裝修簡約，牆上貼滿Dino照片同海報。餐牌選擇都可以，有主菜、Burger同小食，而+$48 or $66就可配套餐，套餐有餐湯、精選蛋糕同飲品。我哋就叫左兩個main再+$48套餐。
粟米濃湯：粟米味濃，質感較傑身，入口都幾滑。
傳統人參雞湯配白飯：雞裡面包住左飯，份量幾多。人參雞湯夠熱，雞湯味道OK，滋補暖身，啱晒今日寒流襲港天氣。
蒜香辣椒蜆肉意大利粉配軟殼蟹：軟殼蟹原隻上，炸到金黃色，脆口。意大利粉食到好香蒜味，裡面有蜆肉同磨菇等配菜，辣辣地，幾惹味。
精選蛋糕：精選蛋糕有6款，平日一至四 +$28仲可以放題添。Tiramisu濕潤，有口感得黎軟熟。抹茶芝士蛋糕較有質感，口感厚實，抹茶味濃。兩款蛋糕都唔會太甜，都幾出色。
飲品：特式檸檬茶微甜，底部仲有少少柚子，檸檬同茶味道都剛剛好。老公話Americano苦苦地，味道回甘，咖啡味醇，幾好。
张贴
