首首.韓式小館 (已結業)

有朋自遠方來，指定要去利東街食飯，咁唯有上網搵吓利東街有咩嘢食，見呢間韓國嘢好似幾好，一於試吓！

頭盤每人都有一碟三式小食，同一般韓式餐廳有啲唔同，似西式嘅小食多啲。

叫咗個手工海鮮泡菜煎餅，外脆內軟，好好食！

仲有叫咗碟煎牛肉餅配年糕，呢個都幾特別，味道唔錯！可惜份量有啲少

食韓國野當然唔少得石頭鍋飯啦，但係佢個賣相好似冇咁靚! 味道就不過不失啦！

呢度地方都幾大，仲有2樓，如果一大班朋友夜晚嚟食，仲可以喺2樓包間房添。